ЗА НАС
Кабинет Младеновски се занимава со застапувања од областа на заштитата на индустриската сопственост и притоа нуди застапување регионално на територијата на европа и во сите земји од поранешна Југославија (Србија, Хрватска, Словенија, Косово, Црна Гора, Босна и Херцеговина), а преку нашите соработници и на останатите континенти.
Патент
Со ПАТЕНТ се штити пронајдок кој претставува ново техничко решение на определен технички проблем и е резултат на творечка работа, кој е нов, иновативен и идустриски применлив. Пронајдокот може да биде уред, постапка, начин или состав а патентот му дава право на пронајдувачот определен временски период да има ексклузивни права врз истиот.
КАБИНЕТ МЛАДЕНОВСКИ Ви ги нуди следните услуги:
- Пребарување во базите на податоци (национални и меѓународни),
- Валидација на европски патенти, пред сите национални заводи,
- Преводи на техничката документација,
- Уредување на патентни спецификаци во согласност со националните законодавства на државите,
- Составување и уредување на патентни спецификации,
- Регистрација на национални патенти, во Македонија во сите земји од регионот
- Меѓународна регистрација на патенти,
- Застапување пред EPO,
- Продолжување на европски патенти,
- Плаќање на годишни такси за одржување на патентот
- Евалуација на патентот и подготовка на договори за лиценци.
- Консултации и посредување
- Постапки за поднесување на приговор и одговор на приговор,
- Промени во регистрите (промена на име или адреса, договор за пренос),
Трговска Марка
Со ТРГОВСКА МАРКА се заштитува препознатлив знак употребуван од страна на лица, организации или правни субјекти кој служи за единствено означување на нивните производи и услуги но и за разликување на нивните производи од производите на другите субјекти. ТРГОВСКАТА МАРКА се состои од збор, име, израз симбол, графичко лого, изглед, слика или комбинација од истите.
КАБИНЕТ МЛАДЕНОВСКИ Ви ги нуди следните услуги:
- Дефинирање на Ваша бизнис стратегија во брендирање или територијално покривање на трговската марка.
- Пребарувања во базите на податоци за дистинктивноста на трговскатат марка.
- Регистрација на трговската марка во регионот или меѓународна регистрација.
- Плаќање на ануитети
- Следење на пазарот, содржини на регистри, вебсајтови и медиуми при нелегално користење на Вашата трговска марка.
- Евалуација на трговските марки и поготовка на договори за лиценци,
- Постапки на поднесување на приговор и одговор на приговор,
- Промени во регистрите (промена на име или адреса, договор за пренос),
- Поништувања на трговски марки
Индустриски Дизајн
ИНДУСТРИСКИОТ ДИЗАЈН е право од индустриската сопственост кое го заштитува дводимензионалниот или тродимензионалниот изглед на предметот. Значи се однесува на спеифичен изглед или форма на тело, контура, слика, боја, текстура или комбиниција од истите. Со тоа производите за кои е наменет квалитативно ги разликува од останатите производи присутни на пазарот.
КАБИНЕТ МЛАДЕНОВСКИ Ви ги нуди следните услуги:
- Дефинирање на Ваша бизнис стратегија при брендирањетo и градењето на идентитетот и имиџот на еден производ.
- Пребарувања во базите на податоци (национални и меѓународни),
- Регистрација на дизајнот (национална или меѓународна),
- Следење на пазарот, содржини на регистри, вебсајтови и медиуми при нелегално користење на Вашиот дизајн.
- Плаќање на ануитети.
- Евалуација на дизајнот и поготовка на договори за лиценци,
- Постапки на поднесување на приговор и одговор на приговор,
- Промени во регистрите (промена на име или адреса, договор за пренос),
- Поништувања на дизајн.
Географска Ознака
Географската ознака е право од индустриската сопственост со кое се регистрираат ознаки на производи дека истите потекнуваат од одредена регија, територија или поединечни место од некоја регија, со специфични карактеристики и квалитетi кои потекнуваат од специфичните природни услови, рељефот, квалитетот на почвата, сончевите часови, начинот на производство или општествени услови од кои зависи начинот на изработка, традиција и тн. Со географска ознака се заштитуваат имиња на производи и тоа: земјоделски, занаетчиски или индустриски. Географска ознака се штити како индустриска сопсвеност за да донесе поголема економска вредност на производите а со цел да се спречи злоупотребата или недозволената употреба на истите. Најчесто постапката е започната од група на луѓе, производители, задруги или асоцијации а во насока на здравата пазарна конкуренција и обичаите на традиционалното работење. Со тоа се придонесува во заедничкиот развој на цел еден регион или рурална област и се поттикнува зачувувањето на специфичните техники и начини на производство кои се уште се негуваат кај еден дел од семејствата кои преферираат традиционален начин на работа.